Rosoulibrauen

Üsä Schwäfälsouli wird all Jour nach mänä sträng gheimä und jourhundertä altä Rezäpt braut. Diä speziellä Zuätatä und dä sehr heikli Brauprozäss känet nur d Schwäfälhäxä und wird vo dä Häxä sit Generationä wiitergäh.

Äs userwählts Expertäteam hät usä Schwäfälsouli usgibig prüäft und sind eistimmig ufs Resultat cho dass das dä bescht Rosouli isch wo sie jeh drunkä händ.

Mär seit, dass dä Grund für das speziellä Aroma und de üsserst feini Gu üssers Schwäfälwasser isch. Das schwäfligä Wasser beziänd mir vo ässerä huseignä Quäll, wo ganz versteckt am üsserstä Winkel vo Richäburg verborgä isch und vo dä Schwäfälhäxä behüätet wird.

A wenigä Tagä im Jour, wän d´Häxä dä Deckel vo dä Quäll offä gha händ, gschmöckt mer dä schwäfligi Duft vom Wasser no stundä lang wiit umä.

Wämmer anerä Schwäfälhäx begägnet und irä ganz liäb zuärüäft chas guät sii, dass mer äs Bächerli voll vo dem feinä Getränk, wo mer sogar Heilchräft nochäseit, überchunt.


Impressum | Datenschutz | Sitemap
 2009 Schwäfälhäxä Reichenburg